Yaponiya Suriyaya qarşı sanksiyaları qismən ləğv etmək qərarına gəlib.
Ucnoqta.az xəbər verir ki, bu barədə hökumət məlumat yayıb.
Yaponiya Nazirlər Kabinetinin katibi Yoşimasa Hayaşi mətbuat konfransında deyib: “Biz Suriyanın beynəlxalq ictimaiyyətlə birlikdə müsbət səylərini dəstəkləmək və Suriya xalqının həyat şəraitinin yaxşılaşdırılmasına kömək etmək üçün dörd banka qarşı sanksiyaları ləğv etmək qərarına gəldik”.
Yaponiya hökumətinin bildirişində qeyd edildiyi kimi, Suriyanın Sənaye Bankı, Xalq Kredit Bankı, Əmanət Bankı və Kənd Təsərrüfatı Kooperativ Bankına qarşı sanksiyalar ləğv edilir.
Hayaşinin sözlərinə görə, Yaponiya Suriya ilə bağlı G7-nin digər üzvləri ilə ölkədə sülh və sabitliyin əldə edilməsində ən təsirli olanın nöqteyi-nəzərindən hərəkətlərini əlaqələndirəcək.