İran Mərkəzi Bankının rəhbəri Məhəmməd Fərzin milli valyutanın əhəmiyyətli dərəcədə zəifləməsi fonunda istefa verib və prezident Məsud Pezeşkian bunu qəbul edə bilər.
Ucnoqta.az xəbər verir ki, bu barədə "Nour News" agentliyi məlumat yayıb.
Agentliyin məlumatına görə, prezident administrasiyasının ictimaiyyətlə əlaqələr üzrə müavini Məhəmməd Mehdi Təbatəbai bildirib ki, "Mərkəzi Bankın rəhbəri istefa verib və prezident bunu qəbul edə bilər".
Avqust ayında Məclisin (birpalatalı parlament) İqtisadi Komitəsinin rəhbəri Şəmsəddin Hüseyni rialın geri alınması ilə bağlı qanun layihəsini dəstəkləyib. O, İran valyutasının adının dəyişdirilməyəcəyini açıqlayıb.