ABŞ prezidenti Donald Tramp Stiv Uitkovu xüsusi elçisi seçdiyini, çünki o, Üçüncü Dünya Müharibəsini başlatmadan sülh danışıqları üçün lazımi keyfiyyətlərə malik olduğunu söylədi.
Ucnoqta.az xəbər verir ki, Tramp Ağ Evdə yəhudilərin Hanuka bayramı şərəfinə keçirilən qəbulda bildirib.
"Stiv ən böyük danışıqçıdır. Mən onun əla şəxsiyyət olduğunu gördüm. O, Nyu-Yorkda daşınmaz əmlak üzrə mütəxəssis idi və Rusiyanın çayları və sərhədləri, eləcə də işlədiyi digər yerlər haqqında az şey bilirdi. O, bu barədə heç nə bilmirdi", - deyib.
"Amma Nyu-Yorkda 20 illik iş təcrübəmdən öyrəndim ki, Stiv ən yaxşı xarakterə malikdir. Mən digər əla danışıqçıları tanıyıram, amma onlarla razılaşma əldə etmək üçün Üçüncü Dünya Müharibəsinə başlamalı olursunuz və biz bunu istəmirdik."