Alman avtomobil istehsalçısı "Volkswagen" 16 dekabrdan sonra Almaniya şəhərində istehsalını tamamilə dayandıracaq.
Ucnoqta.az xəbər verir ki, Financial Times qəzetinin məlumatına görə, 88 illik tarixində ilk dəfə olaraq alman avtomobil istehsalçısı "Volkswagen" Almaniya zavodunu bağlayacaq.
Nəşrin məlumatına görə, şirkət Drezdendə istehsalı tamamilə dayandıracaq və bu, 16 dekabrdan sonra baş tutacaq.
"Volkswagen" Avropanın ən böyük avtomobil istehsalçısıdır, lakin Avropa ölkələrində tələbatın azalması, Çində zəif satışlar və ABŞ tərəfindən tətbiq edilən ticarət məhdudiyyətləri və tariflərinin artması da daxil olmaqla bir sıra çətinliklərlə üzləşir.
Bir müddət əvvəl Almaniyanın Bild qəzeti avtomobil istehsalçısındakı mənbələrə istinadən "Volkswagen"in müşahidə şurasının qeyri-sabit maliyyə vəziyyəti səbəbindən qarşıdakı illər üçün investisiya proqramının təsdiqini təxirə saldığını bildirmişdi.
Nəşr həmçinin zəif rüblük nəticələr səbəbindən Volkswagen də daxil olmaqla, Almaniya avtomobil sənayesinin təxminən 200.000 işçini işdən çıxara biləcəyini bildirib.