70 yaşlı bir kişi Fransanın cənubundakı Tarn-et-Garonne departamentində kitab imzalama mərasimi zamanı Avropa Parlamentinin üzvü və Fransa sağçı Milli Mitinq partiyasının lideri Jordan Bardellanın başına yumurta çırpıb.
Ucnoqta.az xəbər verir ki, bu barədə "Le Figaro" qəzeti jandarmaya istinadən məlumat yayıb.
Qəzetin məlumatına görə, Bardella yeni kitabı olan "Fransızlar nə istəyir" (Ce que veulent les Fran ais)-ın nüsxələrini imzalayarkən, 70 yaşlı kişi ona yaxınlaşıb və başına yumurta çırpıb.
Kitab imzalama mərasimi qısa müddətə dayandırılıb və sonra davam etdirilib. Bardella və partiyası şikayət ərizəsi verib.
Hüquq-mühafizə orqanlarının əməkdaşları hadisə yerinə gələrək kişini saxlayıblar.