Polşa Rusiyanın Ukraynaya kütləvi raket və dron hücumuna görə iki qırıcı təyyarəsini havaya qaldırıb.
Ucnoqta.az xəbər verir ki, bu barədə Polşa Ordusunun Əməliyyat Komandanlığı məlumat verib.
X-də dərc olunan bir nəşrə görə, Rusiya Federasiyasının Ukraynada yerləşən hədəflərə endirdiyi zərbələr səbəbindən hərbi təyyarələr Polşa hava məkanında fəaliyyət göstərir. Qırıcı təyyarələr havaya qaldırılıb və yerüstü hava hücumundan müdafiə və radar kəşfiyyat sistemləri tam hazırlıq vəziyyətinə gətirilib.
29 noyabr səhər saatlarında bütün Ukrayna ərazisində hava hücumu siqnalı verilib.