Pakistan qüvvələri ilə toqquşmalarda həlak olan Əfqan əsgərlərinin sayı ən azı 489-a çatıb, 696-dan çox yaralı var.
Ucnoqta.az xəbər verir ki, Pakistanın informasiya naziri Attaullah Tarar bunu X-də açıqlayıb.
Onun sözlərinə görə, "Qazab lil Haq" ("Saleh Qəzəb") əməliyyatının başlanmasından bəri Pakistan ordusu 226 Əfqanıstan nəzarət məntəqəsini məhv edib və daha 35-ni ələ keçirib.
İslam Respublikasının Hərbi Hava Qüvvələri qonşu ölkədə 56 hədəfə zərbə endirib. Bundan əlavə, Pakistan Silahlı Qüvvələri 198-dən çox düşmən zirehli texnikasını məhv edib.
Əfqanıstan Müdafiə Nazirliyinin məlumatına görə, İslamabadın itkiləri 150 nəfər ölüb, 200-dən çox yaralı var.
Departament həmçinin Pakistanla münaqişə zamanı 28 Əfqan hərbçisinin öldüyünü və daha 42 nəfərin yaralandığını bildirib.