ABŞ prezidenti Donald Tramp Fələstinin HƏMAS hərəkatından atəşkəs razılaşmasının qüvvəyə minməsindən sonra 48 saat ərzində Qəzza zolağında saxlanılan bütün israilli girovları azad etməyi və ölən məhbusların cəsədlərini təhvil verməyi tələb edib.
Ucnoqta.az xəbər verir ki, bu barədə “Al Hadath” telekanalı məlumat yayıb.
Onun mənbələrinə görə, Amerika prezidentinin təklifində anklavda hərbi əməliyyatların yekun dayandırılması ilə bağlı danışıqların sazişin qüvvəyə minməsindən dərhal sonra başlayacağına dair “şəxsi zəmanətlər” də var.
Telekanal qeyd edib ki, Qəzzada atəşkəs Ağ Ev rəhbərinin təşəbbüsü ilə 60 gün müddətində qüvvədə olacaq, lakin lazım gələrsə, məsləhətləşmələrin sonuna qədər uzadıla bilər.