Aİ-nin Çinlə ticarət kəsiri 2025-ci ildə rekord həddə - 360 milyard avroya çatıb və Avropa Komissiyası "təhlükəli asılılıq risklərini azaltmaq" üçün bir sıra ticarət tədbirləri hazırlayır.
Ucnoqta.az xəbər verir ki, Avropa Komissiyasının prezidenti Ursula Fon der Lyayen bunu Aİ sammitindən sonra keçirilən mətbuat konfransında açıqlayıb.
"Son beş ildə Çinin Aİ-yə idxalı 45% artıb. Keçən il onlar görünməmiş 360 milyard avroya çatıb - bu, gündə 1 milyard avro deməkdir", - Fon der Lyayen deyib.
Aİ sammitində Avropa Komissiyasına "rəqabət meydançasını bərabərləşdirmək və təhlükəli asılılıq risklərini azaltmaq üçün bir sıra əks tədbirlər hazırlamaq" tapşırılıb. Bu o deməkdir ki, Avropa Komissiyası yeni tariflər və digər antidempinq tədbirləri tətbiq etməyə hazırdır.