Həkimlər İspaniyanın "Real Madrid" futbol klubunun uruqvaylı yarımmüdafiəçisi Federiko Valverdeyə komanda yoldaşı, fransız yarımmüdafiəçisi Aurelien Çouameni ilə davadan sonra kəllə-beyin travması diaqnozu qoyublar.
Ucnoqta.az bildirir ki, "Real Madrid"in mətbuat xidməti bu barədə məlumat verib.
Valverdenin sağalması üçün 10-14 gün vaxt lazım olacaq və 10 mayda "Barselona"ya qarşı İspaniya liqa matçında oynamayacaq.
Oyunçular cümə axşamı komanda məşqi zamanı toqquşublar. "Marca"nın məlumatına görə, uruqvaylı davadan sonra tibbi yardıma ehtiyac duyub.
AS daha sonra xəbər verib ki, fransızla dava nəticəsində oyunçu huşunu itirib və məşq meydançasını əlil arabasında tərk edib.
Jurnalist Edu Agirrenin sözlərinə görə, Valverde masaya dəydikdən sonra yaddaş problemləri ilə üzləşib. "Real Madrid" daha sonra oyunçulara qarşı intizam tədbirləri görüb.