ABŞ İrana qarşı əməliyyatlarını Hind-Sakit Okean bölgəsinə genişləndirib.
Ucnoqta.az xəbər verir ki, "The Washington Post" (WP) qəzetinin rəsmi mənbələrə istinadən verdiyi məlumata görə, ABŞ İrana qarşı dəniz əməliyyatlarını Yaxın Şərqdən kənara da genişləndirib.
Bir gün əvvəl ABŞ Hərbi Dəniz Qüvvələri Hind-Sakit Okean bölgəsində "Tifani" tankerini ələ keçirib və Hindistanın qərb sahillərində ən azı bir gəmini müşayiət edib.
Nəşr təxminən 2 milyon barel neft daşıya bilən "Tifani"nin ələ keçirilməsini bir sıra oxşar əməliyyatların başlanğıcı adlandırır.
ABŞ Birgə Qərargah Rəisləri Komitəsinin sədri general Den Keyn bu cür əməliyyatlar ınHind-Sakit Okean bölgəsində həyata keçirilə biləcəyini deyib. Keynin sözlərinə görə, Amerika qüvvələri İran bayrağı altında dalğalanan və ya İrana həqiqi dəstək göstərməyə çalışan istənilən gəmini təqib edəcək.
ABŞ Hərbi Dəniz Qüvvələrinin "USS Abraham Lincoln"un rəhbərlik etdiyi aviadaşıyan zərbə qrupu və "USS Tripoli" amfibiya hücum gəmisinin rəhbərlik etdiyi zərbə qrupu hazırda Ərəbistan dənizində fəaliyyət göstərir və İranın dəniz blokadasında iştirak edir.