Çin sərvəti 1 milyard dolları keçən ən çox insanın olduğu ölkə adını geri qaytarıb.
Ucnoqta.az xəbər verir ki, bu, Çinin Hurun tədqiqat şirkəti tərəfindən hazırlanan "Hurun Global Rich List 2026" hesabatında bildirilib.
Bu məlumata görə, dünya üzrə milyarderlərin sayı ilk dəfə 4000-i keçərək 4020-yə çatıb. Çin ötən ilki hesabatda ABŞ-ı geridə qoyaraq yenidən ən çox belə insanın olduğu ölkə olub.
Son məlumatlara görə, Çin ötən ilki hesabatdan 287 milyarder çox olmaqla 1110 milyarderlə liderlik edir. ABŞ isə 1000 milyarderlə ikinci yerdədir ki, bu da əvvəlki ildən 130 milyarder çoxdur.
Siyahıdan 100-dən çox insan çıxsa da, il ərzində dünya üzrə milyarderlərin ümumi sayı 578 artaraq yeni dünya rekordu qırıb.
İlk dəfə olaraq milyarderlər siyahısına 726 yeni şəxs daxil olub, yəni hər gün orta hesabla iki yeni milyarder əlavə olunub. Bunlardan 318-i Çində anadan olub.
Hindistan 308 milyarderlə üçüncü, Almaniya (171), Birləşmiş Krallıq (150) və İsveçrə (114) ardınca gəlir.
Nyu-York 146 milyarderlə şəhərlərin siyahısına başçılıq edir.
Tesla və SpaceX şirkətlərinin baş direktoru Elon Mask 792 milyard dollarlıq sərvəti ilə dünyanın ən varlı insanı olaraq qalır. "Amazon"un qurucusu Jeff Bezos 300 milyard dollarla ikinci yerdədir.