İsrail Müdafiə Qüvvələrinin (IDF) Yəmənin Səna şəhərinə endirdiyi hava zərbəsi nəticəsində Husi qiyamçıları Ənsar Allah hərəkatının baş naziri Əhməd Qalib ər-Rahavi öldürülüb.
Ucnoqta.az xəbər verir ki, bu barədə avqustun 29-da onun ailəsinə yaxın mənbə məlumat verib.
"İsrail qırıcıları Sənanın cənubundakı Hadda bölgəsində bir evi bombalayıb, nəticədə hökumətin baş naziri Əhməd Qalib əl-Rahavi və onun bir neçə tərəfdaşı da daxil olmaqla 4 nəfər həlak olub. Digərləri yaralanıb", - o, RİA Novosti-yə bildirib.
Agentliyin mənbəsinin qeyd edir ki, “Ənsar Allah” qrupu hazırda baş nazirinin ölümünü rəsmən elan etməyə hazırlaşır.