Yaponiyanın Aomori prefekturasının hakimiyyəti bölgədə quş qripi epidemiyası aşkar edildikdən sonra 230.000 toyuğun məhv edilməsinə başlayıb.
Ucnoqta.az xəbər verir ki, Kyodo xəbər agentliyinin məlumatına görə, ərazidəki 32 quşçuluq fermasında 10 kilometr radiuslu təcrid zonaları yaradılıb.
Mütəxəssislər xəstəliyin yayılmasından və bunun ciddi iqtisadi nəticələrə səbəb ola biləcəyindən ehtiyat edirlər. Xüsusilə, 2023-cü ildə quş qripi epidemiyası səbəbindən toyuqların kütləvi şəkildə məhv edilməsi Yaponiyada 1991-ci ildən bəri ən böyük toyuq yumurtasının qiymət artımına səbəb olub. Onlar əvvəlki ilə nisbətən 76% artaraq istehlak bazarına şok yaradıb. Tokiodakı bəzi supermarketlər hətta toyuq yumurtasının alınmasına məhdudiyyətlər tətbiq ediblər.