Azərbaycanın Qarabağ bölgəsində həyata keçirdiyi antiterror əməliyyatından sonra Ermənistana könüllü köç etmiş 34.576 nəfər Ermənistan vətəndaşlığını alıb.
Ucnoqta.az xəbər verir ki, bunu Ermənistanın daxili işlər naziri Arpine Sarkisyan bildirib.
"Hazırda prezident administrasiyası təxminən 1000 ərizəni, yəni fərman layihələrini emal edir", Sarkisyan Qarabağdan köçkün düşmüş insanların məsələlərinə həsr olunmuş konfransda bildirib.
Onun sözlərinə görə, yaxın günlərdə daha 100 ərizə ilə bağlı qərarlar qəbul edilə bilər ki, bu da prosesi sürətləndirəcək.
Nazir həmçinin bildirib ki, vətəndaşlıqdan imtina halları olmayıb.
Prosesin tempindən danışan Sarkisyan qeyd edib ki, ötən ilin birinci yarısında 4000 ərizə təqdim edilib, bu ilin ilk iki ay yarımı ərzində isə bu rəqəm 5000-i keçib.