İsveç Sahil Mühafizəsi polislə koordinasiyalı şəkildə Baltik dənizində İsveç ərazi sularından keçən "Sea Owl I" tankerini saxlayıb.
Ucnoqta.az bildirir ki, bu barədə agentliyin rəsmi saytında məlumat verilib.
Agentliyin məlumatına görə, gəmi 12 mart axşamı ölkənin cənubundakı Trelleborq şəhəri yaxınlığında saxlanılıb.
Xüsusi polis qüvvələri sahil mühafizəsinin eniş qrupu və polis helikopterinin dəstəyi ilə gəmiyə minib. Dəniz qanunvericiliyinin şübhəli pozulması ilə bağlı ilkin araşdırma başlayıb.
Tankerin Komor adalarının bayrağı altında üzdüyü bildirilir.
Sahil Mühafizəsi həmçinin qeyd edib ki, gəmi Aİ-nin sanksiya siyahısındadır. Hüquq-mühafizə orqanlarının əməkdaşları gəmidə axtarış aparıb.
Sahil Mühafizəsinin məlumatına görə, planlaşdırılan əməliyyat toplu daşıyıcı "Caffa"nın eyni ərazidə saxlanılmasından bir həftə sonra baş tutub.
Əməliyyat zamanı tanker Braziliyanın Santos şəhərindən Rusiyanın Primorsk şəhərinə gedirdi. O, boşaldılıb.