15 nəfərin ölümünə səbəb olan Satena Airlines təyyarəsinin Kolumbiyada qəzaya uğramasının əsas səbəbi əlverişsiz hava şəraitidir.
Ucnoqta.az bildirir ki, bu barədə Semana jurnalı ilkin araşdırma nəticələrinə istinadən məlumat verib.
Nəşrin məlumatına görə, qəza zamanı La Playa de Belen bələdiyyəsinin dağlıq bölgəsində görünüş sıx duman səbəbindən olduqca aşağı idi ki, bu da Beechcraft 1900D təyyarəsinin dağ silsiləsi ilə toqquşmasında həlledici amil ola bilərdi.
Hakimiyyət orqanları bölgədə fəaliyyət göstərən silahlı qrupların mümkün hücumunu demək olar ki, tamamilə istisna ediblər.
"Satena Airlines"ə məxsus "Beechcraft 1900D" təyyarəsinin qalıqları La Playa de Belen bələdiyyəsinin dağlarında tapılıb.
Kukutadan Okanaya gedən təyyarədə olan 13 sərnişin və iki heyət üzvü həlak olub.