Praqa Ukraynaya hərbi yardıma görə təşəkkür olaraq Berlindən 15 Leopard 2A4 tankı ala bilər.
Ucnoqta.az xəbər verir ki, bu barədə jurnalistlərə ölkənin baş naziri Petr Fiala məlumat verib.
Çexiya Ukraynaya, o cümlədən, 62 tank, 131 piyada döyüş maşını, 6 helikopter və 16 hava hücumundan müdafiə sistemi təhvil verib. Bu ölkəni dəstəklədiyinə görə respublika ümumilikdə 19 milyard kron (təxminən 900 milyon dollar) məbləğində təzminat alıb. 2 milyard kron (təxminən 85 milyon dollar) Avropa İttifaqından, 7 milyard kron (təxminən 300 milyon dollar) ABŞ-dan gəlib.
