Tramp administrasiyasının rəsmiləri Qrenlandiyada üç yeni hərbi bazanın açılması ilə bağlı danışıqlar aparırlar.
Ucnoqta.az xəbər verir ki, bu barədə Britaniya Yayım Korporasiyası (BBC) mənbələrə istinadən məlumat yayıb.
Qeyd olunur ki, ABŞ Şimali Atlantikanı idarə etmək üçün Cənubi Qrenlandiyada hərbi mövcudluğunu artırmaqda maraqlıdır və yeni bazaların Amerikanın suveren ərazisi statusunu təmin etmək niyyətindədir. Danimarka və Qrenlandiya hakimiyyəti ilə danışıqlar aparılır.
Hələlik konkret razılaşmalar əldə edilməyib. Yeni bazalardan birinin Soyuq Müharibə dövründə hava limanı kimi xidmət edən Amerika hərbi obyektinin yerləşdiyi Narsarsuaq yaşayış məntəqəsində yerləşə biləcəyinə ehtimal edilir.
BBC mənbələri hesab edir ki, xərcləri azaltmaq üçün Qrenlandiyada digər yeni ABŞ hərbi obyektləri də lazımi nəqliyyat infrastrukturuna malik yerlərdə açılacaq.
Dövlət Departamentinin rəsmisi Maykl Nidhem Amerika tərəfində danışıqlara rəhbərlik edir. Onun həmkarları Danimarkanın ABŞ-dakı səfiri Jesper Møller Sørensen və Qrenlandiyanın Vaşinqtondakı nümayəndəsi Jacob Isbosetsendir.
Yanvar ayının ortalarından bəri danışıqlar qrupları ən azı beş görüş keçirib. BBC-nin məlumatına görə, ABŞ-ın Qrenlandiya üzrə xüsusi nümayəndəsi, Luiziana qubernatoru Jeff Landry faktiki olaraq diplomatik prosesdə iştirak etmir.