Bolqarıstan sərhədi yaxınlığında, Türkiyənin İqneada şəhəri yaxınlığında, Qara dənizdə üzən mina aşkar edilib və dəniz xüsusi təyinatlı qüvvələri tərəfindən məhv edilib.
Ucnoqta.az xəbər verir ki, bu barədə Türkiyə Müdafiə Nazirliyi məlumat verib.
Nazirlik açıqlamasında bildirib ki, İqneada yaxınlığında aşkar edilən və mina kimi müəyyən edilən şübhəli obyekt dəniz xüsusi təyinatlı qüvvələri tərəfindən dənizdə uğurla məhv edilib.
Türkiyə Müdafiə Nazirliyi üzən mina təhlükəsinin qarşısını almaq üçün Qara dənizdə 24 saat müşahidə apardığını bildirib.