Tovuz rayonunda bədbəxt hadisə baş verib.
Ucnoqta.az oxu.az-a istinadən xəbər verir ki, hadisə rayonun Dondar Quşçu kəndi ərazisindən keçən çayda qeydə alınıb.
Məlumata görə, Ağdam rayon sakini, 2004-cü il təvəllüdlü İlham Şirinov çayda çimərkən suda batıb.
Hadisə barədə məlumat daxil olduqdan sonra əraziyə Fövqəladə Hallar Nazirliyinin xilasediciləri və polis əməkdaşları cəlb olunub.
Hazırda batdığı bildirilən şəxsin tapılması istiqamətində axtarış-xilasetmə tədbirləri davam etdirilir.