Avstraliya qitənin şimal hissəsində 19 ölkədən hərbi qulluqçuların iştirak etdiyi beynəlxalq hava qüvvələri təlimi olan "Pitch Black 2026"ya ev sahibliyi edəcək. Təlimlərdə 100-dən çox təyyarə iştirak edəcək.
Ucnoqta.az xəbər verir ki, Müdafiə Nazirliyi bu barədə məlumat verib.
Təlim 20 iyul - 7 avqust tarixləri arasında davam edəcək. İştirakçılar arasında Bruney, Birləşmiş Krallıq, Hindistan, İndoneziya, İspaniya, Kanada, Malayziya, Yeni Zelandiya, Papua Yeni Qvineya, Koreya Respublikası, Sinqapur, ABŞ, Tayland, Fici, Filippin, Finlandiya, Fransa, İsveç və Yaponiyadan olan hərbçilər olacaq.
Müdafiə Nazirliyinin məlumatına görə, "Pitch Black" Avstraliya Kral Hərbi Hava Qüvvələrinin ən böyük beynəlxalq təlimidir.