Myanmada 17 yaşlı qız 19 yaşlı sevgilisini 14 min dollara kölə kimi satıb, sonra Taylanda istirahətə gedib.
Ucnoqta.az xarici mətbuata istinadən xəbər verir ki, cütlük Çində bilyard klubunda tanış olub. Qız gənci qohumlarının yanına getməyə razı salıb və ona iş vəd edib. Myanma ilə sərhəddə o, silahlı şəxslər tərəfindən əsir götürülüb - o, dörd ay köləlik şəraitində keçirib, orada döyülüb və gündə 20 saat kiber fırıldaqçı kimi işləməyə məcbur edilib. Bu müddət ərzində oğlan 10 kq arıqlayıb.
Nəticədə ailə 48 min dollar fidyə toplayıb və kasıb oğlan sərbəst buraxılıb. Qız Çinə qayıdarkən həbs edilib. İndi onu məhkəmə gözləyir.