Bəşər tarixi yarandığı gündən qadın və kişi bərabərliyi sualı insanları düşündürür

 Zaman keçdikcə,  hər bir  ölkənin inkişaf tendensiyasına və mənsub olduğu xüsusiyyətlərinə görə cəmiyyətdə qadın və kişinin rolu dəyişir.
Gün.Az xəbər verir ki, bunu Milli Məclisin (MM) Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Avropa Şurası Parlament Assambleyasının (AŞPA) qış sessiyasının  bu gün keçirilən iclasında çıxışı zamanı dilə gətirib.
Onun dediyinə görə,  müasir cəmiyyətdə qadının statusundan danışarkən,ilk öncə həmin ölkənin inkişaf yoluna  nəzər salmaq lazımdır:
“Bu gün Azərbaycan qadının cəmiyyətdəki rolundan qürurla söhbət açırıq. Ölkəmiz müstəqillik əldə etdikdən sonra, qadın probleminin qoyuluşu və həllində, qadın hərəkatının geniş vüsət tapması və reallaşması sahəsində demək olar ki, dönüş əsri olmuşdur. 1918 - ci ildə Azərbaycanda – müsəlman Şərqində ilk demokratik respublika olaraq qadınlara seçmək və seçilmək hüququ verilmişdir. Bu, bir çox Qərb ölkələrindən fərqli olaraq,əvvəl baş vermişdir.
 Məhz XX əsrdə ölkəmizdə qadın hüquqlarının təmin olunması məsələsi müxtəlif qanunlarında, bir çox digər rəsmi sənədlərində, öz əksini tapmışdır. Qərb və Şərqin, o cümlədən Azərbaycanın həyatında baş verən ictimai-siyasi və mədəni tərəqqi sahəsindəki bütün dəyişikliklərdə də qadınların rolu böyük olmuşdur. Ölkəmizdə qadınların fəal ictimai fəaliyyətlə məşğul olmalarını çoxsaylı faktlar da təsdiqləyir. Qanunverici orqanın rəhbərliyində, parlamentin üzvləri arasında kifayət qədər zərif cinsin nümayəndələri var, azəri xanımları hüquq mühafizə və ədliyyə orqanlarında təmsil olunur,biznes fəaliyyəti ilə məşğul olurlar”.
Millət vəkili çıxışında qeyd edib ki, qadınların cəmiyyətdəki yeri və rolunun digər mühüm göstəricisi onların müxtəlif dövlət vəzifələrini tutmaları və ümumiyyətlə, aktiv əmək fəaliyyəti ilə məşğul olmalarıdır:
“ Azərbaycan qadınına milli mənliyimizdə dərin kök salmış ənənələr məxsusdur ki, bu amil özünü tarix boyu göstərib. Nəciblik, xeyirxahlıq, fədakarlıq, mətinlik, qayğıkeşlik, insanpərvərlik. Bu keyfiyyətlər Azərbaycan qadınına xas xüsusiyyətlərdir. Azərbaycanda   qadın hüquqlarının  müdafiəsi  məsələlərinə  böyük  diqqət  yetirilir. 14  yanvar  1998-ci ildə  Prezidentin  Fərmanı  ilə  Qadın  problemləri   üzrə  Dövlət  Komitəsi yaradılmışdır.  Komitə  bu  sahədə   mövcud  olan  problemlərin  həlli  ilə   bağlı   fəaliyyət   növlərini   tənzimləyir.
 6  fevral  2006-cı  ildə   ailə və  uşaqların  probleminin  həllinə   yönəlmiş  əlavə   rüsumların  hesabına  Komitə  öz  portfelini  genişləndirmiş,  beləliklə  də  Ailə, Qadın  və  Uşaq  problemləri  üzrə  Dövlət  Komitəsi  kimi   yenidən  yaradılmışdır.  Komitə  yarandığı  andan   ailə  başçısı  olmayan  ailələrdə   yaşamaq  üçün   vəsaitlərin  əldə  edilməsi  planında qadınların  vətəndaş  cəmiyyətində  müstəqillik  qazanmasına  yardım   edir.
2011-ci ildə  “Xüsusi  qayğıya  ehtiyaclı qadın, uşaq, aztəminatlı  ailələrin  hüquqlarının  təbliği məqsədilə  Ailə, Qadın  və  Uşaq  problemləri  üzrə  Dövlət  Komitəsinin  potensialının gücləndirilməsi” adlı  layihənin  həyata  keçirilməsinə  başlanılmışdır. Bu  layihə  23  mərhələdən  ibarətdir.  Hər  bir  mərhələdə   yuxarıda   qeyd  edilən   potensialların  gücləndirilməsi   üçün  tədbirlər   görüləcəkdir. Bu  layihə  Avropa  Birliyinin.   ekspertlərinin  və   AR Ailə,  Qadın  və  Uşaq  problemləri  üzrə  Dövlət  Komitəsinin  əməkdaşlarının  iştirakı  ilə   hazırlanmışdır”.
  S. Fətəliyeva onu da bildirib ki, layihədə  iştirak etmək  üçün  Avropa  Birliyinin bəzi   ölkələrində   tender  elan  edilmiş və tenderdə  Almaniya,  Böyük  Britaniya, İtaliya, Yunanıstan,  İspaniya  və  Fransa  kimi   dövlətlər  iştirak  etmişlər:
 
“Milli  Məclis  2010-cu  ildə   məişət  zorakılığının   qarşısının  alınması  haqqında   Qanun  qəbul  etmişdir. Bu  Qanun  ailələrdə  məişət  zorakılığının   qarşısının  alınması  məqsədi  ilə  profilaktik  tədbirlərin    görülməsini   nəzərdə  tutur.   Azərbaycanın ərazisinin 20%-ni işğal etməsi nəticəsində öz doğma evlərindən didərgin düşmüş bir milyona qədər Azərbaycan vətəndaşı arasında qadınların sayı çoxdur. Qarabağ münaqişəsinin nəticələrindən gələn əsas problemlərin ağırlığı başlıca olaraq qadınların üzərinə düşdü.
       Ermənistan-Azərbaycan münaqişəsi nəticəsində bir milyon vətəndaşın, o cümlədən qadınların insan hüquqları pozulmuşdur. Məhz bu problemlərin həlli beynəlxalq təşkilatların daim gündəliyində olmalıdır. Dünyada formalaşan siyasi, ictimai, sosial, dini sahələrdə stereotipləri dağıtmaq lazımdır.Bu isə insanlardan asılıdır”.
Kamil Həmzəoğlu
Gün.Az