Cümşüd Nuriyev: «Məncə, onların hansısa planları var»

Qarabağ cəbhəsində vəziyyət gərginləşib. Tərtər istiqamətindən düşmən mövqelərimizə həmlə edib və ordumuz növbəti şəhidlər verib.
Azərbaycan Müdafiə Nazirliyinin baş verənlər barədə məlumatına görə, düşmən avqustun 31-də verdiyi itkilərin əvəzini çıxmaq üçün sentyabrın 4-də gecə saatlarında cəbhənin Tərtər rayonu Çiləbürt kəndi yaxınlığında Azərbaycan Silahlı Qüvvələrinə qarşı qəfil hücuma keçib.
Ermənilərin cəbhə bölgəsində fəallaşması nədən xəbər verir? Politoloq Cümşüd Nuriyev hesab edir ki, son vaxtlar ermənilərin Azərbaycan ordusu üzərinə tez-tez hücuma keçməsi təsadüfi deyil: «Burada bir neçə amil rol oynayır. Birincisi, ermənilərin həmişəki kimi Azərbaycan tərəfini təxribata çəkərək, beynəlxalq aləmdə başlatdığımız bitr neçə kampaniyanın nəticəsiz bitməsini istəyirlər. BMT-də Azərbaycanın işğal olunmuş ərazilərindəki vəziyyətin müzakirəsi gözlənilir. ABŞ Azərbaycana səfir göndərmək istəyir və erməni lobbisi buna qarşı fəaliyyət göstərir. Onlar eyni zamanda ABŞ konqresində Azərbaycana ayrılan yardımlara embarqo qoyulmasını tələb edirlər. Bundan başqa Rusiya ilə Ermənistan arasında imzalanmış hərbi müqavilədən sonra ermənilər bir az da azğınlaşıblar. Xatırlayıvrsınızsa, bu müqavilədən sonra Ermənistan prezidenti, müdafiə naziri verdikləri bəyanatlarda açıq-aşkar Azərbaycanı hədələyirdilər». Politoloq hesab edir ki, cəbhədəki vəziyyət getdikcə gərginləşə bilər: «Məncə, bu dəfə ermənilər tezliklə sakitləşməyəcəklər. Çünki onlar dünyada gedən son siyasi hadisələrdən sonra nəticə çıxartdılar ki, Qarabağ həqiqətləri gec-tez ortyay çıxacaq. Və artıq düşünürlər ki, elə bir gün gələ, eldə bir vəziyyət yetişə bilər ki, bütün dünüa ikili yanaşmanı bir kənara qoyub, Azərbaycanın halal torpaqlarının qaytarılmsasını tələb edə bilər. Ona görə düşünmək olar ki, ermənilər hansısa planlar qurublar. Belə olan halda Azərbaycan Müdafiə Nazirliyi və digər güc strukturları vəziyyəti çox ciddi nəzarətdə saxlamalı və cəbhə xəttində ayıq-sayıqlıq artırılmalıdır».
Hüseyn