“İdmançı mübarizə aparırsa, onun uduzması da şərəf olur. Meydana arxa çevirib, mübarizə göstərmirsə, bu, ən böyük biabırçılıqdır". Qol.az-ın məlumatına görə, bu sözləri AFFA-nın prezidenti Rövnəq Abdullayev jurnalistlərə açıqlamasında deyib. O, DÇ-2018-in seçmə mərhələsində Almaniya ilə Bakıda keçiriləcək oyun haqda fikirlərini bildirib. Rəqibin çox güclü olduğunu qeyd edən Abdullayev oyunun nəticəsinin önəmli olmadığını vurğulayıb:
"Almaniyaya uduzmaq da şərəfdir. Biz mübarizə futbolu oynamağa çalışmalıyıq. Almanlar maşındırlar, onlarda dayanmaq yoxdur”.
Qeyd edək ki, Azərbaycan – Almaniya oyunu martın 26-da Tofiq Bəhramov adına Respublika stadionunda keçiriləcək.
www.ucnoqta.az