Mərakeşdə ağır yol qəzası baş verib. Ucnoqta.az Rusiya mətbuatına istinadən xəbər verir ki, hadisə Kasablanka şəhəri yaxınlığında qeydə alınıb.
Bərrəşid şəhərinə yollanan nəqliyyat vasitəsinin aşması nəticəsində azı 8 nəfər ölüb, 20 nəfər xəsarət alıb.
Hadisənin təfərrüatları barədə məlumat verilmir.
Mərakeş nəqliyyat nazirliyinin hesablamalarına görə, bu il müxtəlif yol-nəqliyyat hadisələri nəticəsində 4 minədək insan həyatını itirib.