Beynəlxalq Valyuta Fondunun (IMF) bu məlumatı ilə bizdə tanışıq. Bu hesabat BVF-nin iyun ayında Azərbaycana olan missiyası əsasında hazırlanıb. Bu barədə Azərbaycan Respublikasının Maliyyə Bazarlarına Nəzarət Palatası Direktorlar Şurasının sədrinin müşaviri Rüfət Abbasov bildirib.

R.Abbasov deyib ki, IMF-in hesabatında qeyd edilən proseslər artıq başa çatıb:

“Bu missiyadan sonra iyul ayının sonunda biz 4 bankın lisenziyasını ləğv etdik və öncədən lisenziyası geri çağrılmış 2 bankın ləğvetməsinə başladıq. IMF-in hesabatında qeyd olunan proses artıq başa çatıb, hazırda fəaliyyət göstərən bankların heç birinin lisnziyasını geri çağırmağı planlaşdırmırıq və mətbuatda bu mövzuda gedən spekulasiyalar əsassızdır”.

<b><font color=red>Palata: </font>Hazırda fəaliyyət göstərən bankların heç birinin lisenziyasını ləğv etməyi planlaşdırmırıq</b>