UEFA Konfrans Liqasında 2026/27 mövsümünün II təsnifat mərhələsinin püşkü atılıb.
Ucnoqta.az xəbər verir ki, "Qarabağ"ın potensial rəqibləri də müəyyənləşib. UEFA Avropa Liqasının I təsnifat mərhələsinin “Qarabağ” – “Vestri” (İslandiya) cütündə məğlub olan komanda növbəti raundda “Qlentoran” (Şimali İrlandiya) – RFS (Latviya) cütünün qalibi ilə qarşılaşacaq.
Bu mərhələnin ilk matçları iyulun 23-də, cavab görüşləri 30-da keçiriləcək. “Qarabağ” – “Vestri” cütünün uğursuzu UEFA Konfrans Liqasına səfərdə başlayacaq.
Qeyd edək ki, UEFA Avropa Liqasının I təsnifat mərhələsinin oyunları iyulun 9-da və 16-da baş tutacaq.
“Qarabağ” “Vestri”yə qarşı ilk görüşü evdə keçirəcək.