Hantavirus epidemiyası ilə üzləşən "MV Hondius" kruiz gəmisi İspaniyanın Tenerife adasına (Kanar Adaları Muxtar Birliyində) çatıb.
Ucnoqta.az xəbər verir ki, bu barədə "VesselFinder" gəmi trafik portalı məlumat yayıb.
Sərnişinlərin repatriasiya uçuşları gələnə qədər gəmidə qalması gözlənilir. İspaniya Müdafiə Nazirliyi göyərtədəki 14 İspaniya vətəndaşını Kanar adalarından Madriddəki xəstəxanaya aparacaq və orada karantinə alınacaqlar. Onların gəmini ilk tərk edənlər olacağı gözlənilir.
İspaniya hakimiyyəti gəmidən insanların təxliyəsi üçün xüsusi protokol hazırlayıb. Onlar həmçinin MV Hondiusun Kanar adalarına gəlməsinin yerli əhali üçün heç bir risk yaratmadığına əminlik veriblər. Təxliyə prosesi başa çatdıqdan sonra gəminin və təxminən 30 heyət üzvünün dezinfeksiya ediləcəyi Hollandiyaya yola düşməsi gözlənilir.