ABŞ prezidenti Donald Tramp və onun administrasiyası İranla münaqişədən qaynaqlanan enerji böhranını müzakirə etmək üçün Ağ Evdə Amerika neft və qaz nəhənglərinin liderləri ilə görüş keçirib.
Ucnoqta.az xəbər verir ki, bu barədə Axios məlumat yayıb.
Agentliyin məlumatına görə, görüşdə ABŞ administrasiyasını Ağ Evin aparat rəhbəri Syuzan Uayls, Xəzinədarlıq katibi Skott Bessent, ABŞ prezidentinin xüsusi nümayəndəsi Stiv Vitkoff və sahibkar Cared Kuşner təmsil edib. Korporativ liderlər arasında "Chevron" şirkətinin baş direktoru Maykl Virt də olub.
Axios qeyd edir ki, Tramp və ABŞ Konqresindəki respublikaçılar Hörmüz boğazındakı vəziyyətin yaratdığı təchizat çatışmazlığı səbəbindən qlobal neft qiymətlərinin artması nəticəsində ABŞ-da benzin qiymətlərinin artmasının siyasi nəticələrinə hazırlaşırlar. Enerji sektorundakı qeyri-müəyyənlik neft və qaz korporasiyalarına da təsir göstərir.
Portal vurğulayır ki, neft qiymətlərinin uzun müddət artması qlobal bazarda Amerika yanacağına tələbatı azalda bilər.