Ukrayna 21 aprel saat 12:00-da "Drujba" boru kəməri vasitəsilə Rusiyadan Macarıstana neft tranzitini bərpa edəcək.
Ucnoqta.az xəbər verir ki, bu barədə Macarıstanın Avropa Birliyi işləri üzrə naziri Yanoş Boka məlumat verib.
"Bu gün Brüsseldə idim və orada digər məsələlərlə yanaşı, Drujba neft kəmərinin bərpasını da müzakirə etdim.
Ən çox ehtimal olunan ssenari Ukrayna tərəfinin çərşənbə axşamı saat 12:00 radələrində boru kəmərinin bərpa olunduğunu elan etməsidir", - Boka Facebook-da yazıb.
O qeyd edib ki, "elandan sonra operator Macarıstan və Slovakiyadakı neft emalı zavodları üçün Rusiya neftini qəbul edən MOL ilə əlaqə saxlayacaq". Bu yaxınlarda hökumətlə razılaşmaya əsasən, o, Macarıstanın dövlət strateji ehtiyatlarından neftdən istifadə edir.
Drujba boru kəməri vasitəsilə təchizat 27 yanvardan bəri dayandırılıb.