ABŞ Hörmüz boğazındakı minaları təmizləmək üçün pilotsuz yerüstü və sualtı vasitələrdən istifadə edir.
Ucnoqta.az bildirir ki, bu barədə The Wall Street Journal (WSJ) məlumat verib. Qəzetin məlumatına görə, ABŞ ordusu mina təmizləmək üçün həm gəmilərdən, həm də dronlardan istifadə edir. Nəşr qeyd edir ki, yerüstü və sualtı dronlar ABŞ ordusunun mina təmizləmə imkanlarının getdikcə daha vacib bir hissəsinə çevrilir və ənənəvi mina təmizləyicilərini əvəz edir.
ABŞ ordusu həmçinin RTX tərəfindən istehsal olunmuş və AQS-20 sonarla təchiz olunmuş yerüstü drondan istifadə edir. Bundan əlavə, ABŞ qüvvələri dəniz dibində minaların olub-olmadığını yoxlamaq üçün MK18 Mod 2 Kingfish və Knifefish sualtı dronlarından istifadə edir.
WSJ-nin qeyd etdiyi kimi, ABŞ ordusu mina aşkar edildikdən sonra onları məhv etmək üçün pilotsuz uçuş aparatlarından da istifadə edə bilər.