İndoneziyanın Sumatra adasında (Qərbi Sumatra əyaləti) Marapi vulkanı püskürüb.
Ucnoqta.az xəbər verir ki, bu barədə İndoneziya Vulkanologiya və Geoloji Fəlakətlərin Azaldılması Mərkəzinin açıqlamasında bildirilib.
Məlumatlara görə, kül vulkanın kraterindən 1600 metr yüksəkliyə və ya dəniz səviyyəsindən 4491 metr yüksəkliyə qalxıb. Püskürmə şimal-şərq istiqamətində yayılan sıx boz kül buludları ilə müşayiət olunub.
Mərkəz yerli sakinləri və turistləri ehtiyatlı olmağa və kraterdən 3 kilometr radiusda qalmağa, həmçinin vulkanik tüstü və küldən qorunmaq üçün maska və respiratorlardan istifadə etməyə çağırıb.
Marapi İndoneziyanın qərbindəki Barisan silsiləsinin şimal-qərb ucunda yerləşən, dəniz səviyyəsindən 2891 metr yüksəklikdə olan aktiv vulkandır. 2023-cü ilin dekabr ayında Marapi püskürməsi nəticəsində ən azı 22 nəfər həlak olub.