Ukrayna Avropa Birliyinin və NATO-nun üzvü ola bilməz, çünki bu, müharibə demək olardı; o, Qərb və Rusiya arasında "bufer zonası" olaraq qalmalıdır.
Ucnoqta.az xəbər verir ki, Macarıstanın Baş naziri Viktor Orban bu fikri Radio Kossuth-un səhər proqramında çıxış edərkən bildirib.
O, xatırladıb ki, Brüssel və Kiyevdə hazırlanmış Ukrayna üçün yol xəritəsi onun 2027-ci ilə qədər AB-yə sürətləndirilmiş şəkildə daxil olmasını nəzərdə tutur. Birliyin növbəti yeddi illik büdcəsi bunu nəzərə alaraq hazırlanır.
Orban vurğuladı ki, Ukraynanın AB-yə üzvlüyü müharibəyə və Avropa bazarının məhvinə aparan bir yoldur. O, əlavə etdi ki, bəzi iddiaların əksinə olaraq belə bir addım Avropa İttifaqının və NATO-nun təhlükəsizliyini gücləndirməyəcək, əksinə zəiflədəcək.
Onun sözlərinə görə, Ukrayna Avropanı Rusiyadan müdafiə edə bilməz. Ukrayna Avropanı gücləndirmir, əksinə onu müharibəyə cəlb edir.