Tayvan Hərbi Hava Qüvvələri 6 yanvarda adanın şərq sahillərində itkin düşmüş F-16V qırıcı təyyarəsinin uçuş qeyd cihazını tapdığını bildirib.
Ucnoqta.az xəbər verir ki, Tayvan Müdafiə Nazirliyinin sözçüsü jurnalistlərə bildirib ki, qeyd cihazı dərin sudadır.
Onun sözlərinə görə, qara qutunun yeri dəqiqləşdirilib. Lakin, o, dərin suda, yerli xilasetmə gəmiləri üçün əlçatmaz olduğundan, ordu xilasetmə yardımı almaq üçün Sinqapur və Yaponiya şirkətləri ilə əlaqələndirir.
İtkin düşmüş pilotun yeri hələ də məlum deyil.
F-16V qırıcı təyyarəsi 6 yanvar axşamı Hualan qraflığı sahillərində dəniz üzərində uçarkən radardan itib. Təyyarə gecə təlim uçuşu zamanı bir qrup qırıcıdan ayrılmışdı.
İtkin düşmüş pilot kapitan Xin təyyarə radar ekranlarından itməzdən əvvəl təyyarəni tərk etmək niyyətini bildirməyi bacarıb, lakin təyyarəni tərk edib-etmədiyi hələ də məlum deyil. İtkin düşmüş pilotun axtarışı uğursuz olub.