İtaliyada Fələstin radikal hərəkatı "HƏMAS"ı maliyyələşdirməkdə şübhəli bilinən doqquz nəfər həbs edilib.
Ucnoqta.az bildirir ki, ANSA bu barədə məlumat verib.
Əməliyyat Guardia di Finanza (İtaliya Maliyyə Nazirliyinin təhlükəsizlik qüvvələrinin) iştirakı ilə xüsusi polis bölməsi tərəfindən həyata keçirilib. Həbs olunanlar arasında İtaliyadakı Fələstinlilər Assosiasiyasının prezidenti Məhəmməd Hannun da var.
Onun xaricdəki HƏMAS hücrəsinin üzvü və onun İtaliya nümayəndəlik ofisinin rəhbərlərindən biri olduğu güman edilir. Şübhəlilər terror fəaliyyətlərini maliyyələşdirməkdə ittiham olunurlar.
Agentliyin məlumatına görə, saxlanılanlar müxtəlif birliklər vasitəsilə HƏMAS-a 7 milyon avro köçürüblər.