İsrail Hərbi Hava Qüvvələrinin qırıcı təyyarələri Livanın cənubunda və qərbi Bekaa vadisində şiə təşkilatı Hizbullahın şübhəli hərbi hədəflərinə hücum edib.
Ucnoqta.az bildirir ki, bu barədə Əl-Cədid məlumat verib.
Əl-Cədid televiziya kanalının məlumatına görə, intensiv raket zərbələri Cəbəl əl-Rəfi dağlıq bölgəsinə, Reyhani yüksəkliklərinə və şiə döyüşçülərinin hərbi təlim düşərgələrinin yerləşdiyi Vadi Rumin dərəsinə endirilib. Ümumilikdə ən azı 10 hava hücumu həyata keçirilib.
Şahidlərin sözlərinə görə, Səidə şəhəri və Ənsar, Beysəriyyə, Cbaa, Sujud və Tabaa kəndləri, eləcə də Qərbi Bekaadakı Zelaya ərazisi yaxınlığında güclü partlayışlar baş verib. Ölən və ya xəsarət alan olmayıb.