Xronobiologiya sahəsində aparılan yeni bir araşdırma yatmaq üçün ən uyğun hesab edilən vaxt aralığını müəyyən edib.
Ucnoqta.az-ın A&M-ə istinadən verdiyi məlumata görə, optimal vaxt saat 22:30 ilə 22:45 arasındadır.
Tədqiqat bədənin daxili bioloji saatı olan supraxiazmatik nüvənin fəaliyyətinə əsaslanıb. Bu qısa müddət ərzində hüceyrələrin bərpası və yuxu keyfiyyətindən məsul olan melatonin istehsalının pik həddi qeydə alınır.
Bu vaxt yuxuya gedənlər idrak performansının yaxşılaşdığını nümayiş etdirirlər: diqqət müddəti 15-20%, yaradıcı düşüncə isə təxminən 30% artır.
Mütəmadi yuxu rejimi ürək funksiyasına və maddələr mübadiləsinə müsbət təsir göstərir. Qan təzyiqi normallaşır və qlükoza nəzarəti yaxşılaşır.
Vaxtında yuxuya getməyə mane olan amillərə axşamlar elektron cihazlardan istifadə, kofein və qeyri-sabit iş qrafiki daxildir.