G7-nin maliyyə nazirləri oktyabrın 15-də Beynəlxalq Valyuta Fondu və Dünya Bankının rəhbər orqanlarının bu həftə Vaşinqtonda keçirilən payız iclası çərçivəsində Rusiyaya qarşı sanksiyaların sərtləşdirilməsini və Ukraynaya yardımın göstərilməsini müzakirə etmək niyyətindədirlər.
Ucnoqta.az xəbər verir ki, bu barədə “Reuters” mənbələrinə istinadən məlumat yayıb.
Mənbələrə görə, Britaniyanın maliyyə naziri Raçel Reeves Rusiyanın enerji gəlirlərini azaltmaq və onun xarici aktivlərə çıxışını məhdudlaşdırmaq üçün G7 və Avropa İttifaqının birgə işləməsini istəyir.
Nazirlərin oktyabrın 15-də Avropa Komissiyasının (AK) Ukraynaya Rusiya tərəfindən maliyyələşdirilən 140 milyard avroluq “təzminat krediti” ayırmaq planlarını müzakirə edəcəyi gözlənilir.