Aİ ölkələri bölünüb və Qəzzada baş verən fəlakətə görə İsrailə qarşı ən yumşaq sanksiyaları belə qəbul etməyə hazır deyillər.
Ucnoqta.az xəbər verir ki, bunu Kopenhagendə Aİ xarici işlər nazirlərinin qeyri-rəsmi görüşündə Avropa diplomatiyasının rəhbəri Kaja Kallas deyib.
"İsrailə qarşı sanksiyalarla bağlı o qədər də optimist deyiləm, çünki hətta Avropa Komissiyasının İsraili "Horizont"dan kənarlaşdırmaq kimi çox yumşaq təkliflərində belə, bizim heç bir kompromisimiz yoxdur. Bu gün mütləq heç bir qərar verməyəcəyik. Bu, bölünmüş olduğumuza və yekdilliklə danışmadığımıza işarədir", - Kallas etiraf edib.