Mərkəz-sağçı Milli Liberal Partiyasından olan Siprian Çiuka Buxarest meri seçkilərində səslərin 32,7%-ni toplayaraq Rumıniya paytaxtının yeni meri seçilib.
Ucnoqta.az xəbər verir ki, bu exit-poll nəticələri Şəhər və Regional Sosiologiya Mərkəzi (CURS) və Avanqard Sosial-Davranış Tədqiqat Qrupu tərəfindən səsvermə məntəqələri saat 21:00-da bağlandıqdan dərhal sonra açıqlanıb.
İkinci yeri mərkəz-sol Sosial Demokrat Partiyasının namizədi Daniel Baluță (26,3%), üçüncü yeri isə millətçi Rumınların Birləşməsi Alyansı (20,2%) tərəfindən dəstəklənən müstəqil namizəd Anca Alexandrescu tutub.
Exit-poll nəticələri açıqlandıqdan sonra çıxış edən Çiuku Buxarestin "həyatının layihəsi" olacağını bildirib və hakim koalisiya partiyalarını, "xüsusilə mərkəz-sağ partiyaları" birləşməyə çağırıb.